Fjögur einföld atrið
Mismunandi tegundir stiga & siglína
Ef heimili hefur ekki tvær flóttaleiðir er mikilvægt að setja upp stiga eða siglínu sem aðra flóttaleið. Hér að neðan má nálgast upplýsingar um þær tegundir sem eru í boði:
Seftarar eru kaðal- og keðjustigar úr treg- eða óbrennanlegum efnum. Þeir eru festir á vegg við glugga eða eru færanlegir með festingum sem settar eru yfir gluggakistu. Þessir stigar geta sveiflast nokkuð til og eru erfiðir fyrir ung börn nema einhver haldi við þá að neðan. Þessir stigar duga fyrir tveggja til þriggja hæða hús og eru ódýr lausn.
Álstigar eru til í mörgum útfærslum. Þeir líta út eins og niðurfall úr þakrennu þegar þeir eru ekki í notkun en standa eins og venjulegir stigar við hús þegar þeir eru í notkun en þá snýr önnur langhliðin að veggnum. Álstigar eru auðveldir í notkun fyrir alla, duga fyrir stærri hús en eru nokkuð dýrir.
Siglínur eru til í nokkrum gerðum. Algengast er að siglínan eða festing fyrir hana sé á vegg við glugga. Lykkju á enda línunnar er brugðið utan um þann sem ætlar út og sígur hann hægt og rólega til jarðar. Siglínur geta verið með tvöfaldri lengd til jarðar og lykkju á báðum endum þannig að þegar einn er kominn niður er hinn endinn tilbúinn fyrir næsta mann uppi. Siglínur duga fyrir tveggja til þriggja hæða hús og eru ódýr og auðveld lausn fyrir alla.
Hagnýtir punktar um flóttaleiðir & flóttaáætlun
- Já, ef það er einungis ein trygg flóttaleið út af heimilum þarf að setja upp stiga eða siglínu við glugga og tryggja þannig tvær greiðar leiðir út af heimilinu.
- Ef unnt er skal loka rýminu þar sem eldur logar, það tefur útbreiðslu elds og reyks. Ef mikill reykur er skal skríða eftir gólfi í átt að útgangi og koma sér út.
- Nei, lyftur má aldrei nota í eldsvoða því þær geta stöðvast á þeirri hæð sem eldur logar og fyllst af reyk.
- Ef reykur er í stigagangi er öruggara að halda sig inni í íbúðinni og láta vita af sér við glugga eða á svölum. Það má til dæmis gera með því að setja ljóst klæði út um glugga eða svalir.