Fimm góð jólaráð
Mismunandi raftæki - mismunandi hættur
- Farið ekki frá á meðan eldamennsku stendur og munið að slökkva á hellum að notkun lokinni.
- Leggið aldrei eldfim efni ofan á eldavél, t.d. viskastykki og tuskur.
- Skiptið reglulega um síur í gufugleypum – í þær safnast fita sem getur valdið miklum eldsvoða ef eldur kemst í hana.
- Ráðlegt er að rjúfa strauminn að tækinu þegar heimilið er yfirgefið til lengri tíma – ekki er þá nóg að slökkva á tækinu með fjarstýringu heldur á að taka úr sambandi eða slökkva á fjöltengi.
- Tryggið að vel lofti um bakhlið tækisins.
- Ef skipta þarf oftar um perur í einu ljósastæði en öðru getur það bent til bilunar – látið þá löggiltan rafverktaka kanna hvað veldur.
- Röng stærð eða gerð af peru getur valdið bruna.
- Hafið ekki brennanleg efni of nálægt ljósum.
- Auk eldhættu getur einnig verið hætta á vatnstjóni af völdum þvottavéla og uppþvottavéla – hafið þessi tæki því aldrei í gangi þegar þið farið að heiman eða sofið.
- Mikilvægt er að hreinsa ló sem safnast í þurrkara, því hún er góður eldsmatur.
- Góð regla er að slökkva á tölvum þegar þær eru ekki í notkun og án eftirlits, til dæmis þegar fólk sefur.
- Hafið far- og spjaldtölvur ekki á mjúku undirlagi, til dæmis í sófa eða rúmi – því hætta getur verið á ofhitnun.
- Reynslan sýnir að kviknað getur í út frá nánast öllum raftækjum sem notuð eru á heimilum.
- Slökkvið á þeim þegar þau eru ekki í notkun og látið laga þau eða fargið þeim ef þau sýna merki um bilun eða hrörnun.
Hagnýtir punktar um raftæki
- Góð regla er að hafa raftæki ekki í sambandi ef þau eru ekki í notkun.
- Ef heimilið er yfirgefið t.d. til að fara að heiman yfir helgi eða skreppa til útlanda er mikilvægt að taka raftæki úr sambandi eða fjöltengi.
- Það ætti að henda raftækjum og öðrum rafbúnaði sem er farin eru að láta á sjá. Látið þá skipta samstundis um rafbúnaðinn til að tryggja öryggi.
- Eldavélin og því sem henni fylgja eru algengir brunavaldar og því er afar mikilvægt að slökkva á eldavélinni strax eftir notkun.
Hagnýtir punktar um hitagjafa
- Öruggast er að nota kramarhús, sjálfslökkvandi kerti eða kertaslökkvara í skreytingar. Sé það ekki gert er mikilvægt að láta skraut ekki liggja að kerti, eldverja skreytinguna og slökkva tímanlega á kertunum.
- Hafið kerti ekki of nælægt hitagjafa, svo sem ofni eða sjónvarpi.
- Logandi kerti á ekki að standa ofan á raftæki.
- Ekki hafa kerti nærri efnum sem auðveldlega getur kviknað í.
- Farið aldrei frá logandi kerti eða arineld þegar börn og dýr eru nálægt – þau geta verið forvitin og farið í eldinn.
- Mikilvægt er að fylgjast vel með þegar verið er að grilla og bregðist við áður en mikill eldur kemur upp í grillinu.
- Varist að grilla of nærri timburvegg eða glugga með stórum rúðum.
- Skrúfið fyrir gaskútinn að notkun lokinni.